පින්නවලදී පසුගියදා අභිනවයෙන් විවෘත කෙරුණු ශ්‍රී ලංකාවේ පළමු එළිමහන් සත්වෝද්‍යානය ආශ්‍රිත කලාපයේ නොමිලේ වයි - ෆයි (අන්තර්ජාල පහසුකම්) ස්ථාපිත කෙරුණු බව ශ්‍රී ලංකා තොරතුරු හා සන්නිවේදන තාක්‍ෂණ නියෝජිතායතනය (ICTA) පවසයි.
දිවයින පුරා පොදු ස්ථාන කේන්ද්‍ර කර ගනිමින් ජනතාවට නොමිලේ අන්තර්ජාල පහසුකම් ලබාදීමේ වයිෆයි කලාප දහසක් ස්ථාපිත කිරීමේ වත්මන් රජයේ වැඩසටහන යටතේ මෙය ස්ථාපිත කෙරුණු බව නියෝජිතායතනය කියයි.
මේ වන විට දිවයිනේ දිස්ත්‍රික්ක 17ක් ආවරණය වන පරිදි මෙම වයිෆයි කලාප ස්ථාපිත කර අවසන් කර තිබෙන බවත්, සෑම ප්‍රාදේශීය ලේකම් කොට්ඨාසයකම වයිෆයි කලාපයක් ස්ථාපිත කිරීම අරමුණ බවත්, නියෝජිතායතනය සඳහන් කරයි.
මේ අතර දකුණු ආසියාතික රටවල් අතරින් ජනතාවට නොමිලේ වයි - ෆයි පහසුකම් ලබා දුන් ප්‍රථම රට බවට ශ්‍රී ලංකාව පත්ව තිබේ.
Post a Comment