හැටන් - බගවන්තලාව ප්‍රධාන මාර්ගයේ දික්ඔය ප්‍රදේශයේ දී වතුකම්කරුවන් පිරිසක් උද්ඝෝෂණයක් ආරම්භ කර තිබේ.
හැටන් නගරයේ පවත්වාගෙන යන කුකුළු ගොවි පොළක සහ කුකුළුමස් අලෙවිසැල් වලින් ඉවතලන අපද්‍රව්‍ය කාසල් රී ජලාශ රක්ෂිතයට බැහැර කිරීමට එරෙහිව මොවුන් උද්ඝෝෂණයේ නිරත වන බව සඳහන්ය.
උද්ඝෝෂණය සඳහා හැටන් දික්ඔය වනරාජා වතුයායේ කම්කරුවන් සහ ප්‍ර දේශවාසීන් එක්ව සිටින බව අද දෙරණ වාර්තාකරු සඳහන් කළේය.
දිනපතා රාත්‍රී කාලයේ ලොරි රථවලින් රැගෙනවිත් ඉතා සූක්ෂම අයුරින් එම අපද්‍රව්‍ය රක්ෂිතයට බැහැර කිරීම හේතුවෙන් ප්‍රදේශය පුරා දැඩි දුඟදක් පවතින අතර විශාල පරිසර හානියක් ද සිදුවන බව උද්ඝෝෂකයින් පවසයි.
මේ සම්බන්ධයෙන් සෞඛ්‍ය අංශවලට සහ පොලීසියට දැනුම්දුන්න ද මේ වන තෙක් කිසිදු පියවරක් ගෙන නොමැති බව ඔවුන් සඳහන් කරයි.
Post a Comment