හොරට විකුණන අය ගැන කියන්න දුරකථන අංකයක්

නීති විරෝධි ආකාරයෙන් මත්පැන් අලෙවි කරන ස්ථාන සම්බන්ධයෙන් තොරතුරු ලබාදෙන ලෙස සුරාබදු දෙපාර්තමේන්තුව ඉල්ලිමක් කරයි.

ඒ අනුව 0112 300 170 යන දුරකථන අංකයට තොරතුරු ලබාදෙන ලෙස එම දෙපාර්තමේන්තුව ජනතාවගෙන් ඉල්ලා සිටියි.

මේ අතර බණ්ඩාරවෙල නායබැද්ද ප්‍රදේශයේදී නීති විරෝධි අයුරින් මත්පැන් ළඟ තබා ගත් පුද්ගලයෙකු අත්අඩංගුවට ගෙන තිබේ.

බණ්ඩාරවෙල පොලිසිය ප්‍රදේශයේ සිදුකළ සෝදිසියකදී එම මත්පැන් තොගය සහ සැකකරු අත්අඩංගුවට ගෙන ඇත.

එහිදී විවිධ වර්ගයේ මත්පැන් බෝතල් 144ක් සහ බියර් කෑන් 47ක් සොයාගෙන තිබේ.

සැකකරු මේ වන විට පොලිස් ඇප මත මුදා හැර ඇති අතර යළි ලබන 20 වනදා බණ්ඩාරවෙළ මහේස්ත්‍රාත් අධිකරණයට ඉදිරිපත් කිරීමට නියමිතය.