පේරාදෙණිය, ගන්නෝරුවේ පිහිටි පෙරටුගාමි දේශපාලන පක්ෂ කාර්යාලයට අයත් බඩු මුට්ටු ඊයේ රාත්‍රී එළියට දැමීමේ සිද්ධියක් සම්බන්ධයෙන් එම ගොඩනැඟිල්ලේ හිමිකරු හා එකී දේශපාලන පක්ෂයේ ආධාරකරුවන් අතර ඇති වූ ගැටුමකින් සිව්දෙනෙකු තුවාල ලබා පේරාදෙණිය රෝහලට ඇතුළත් කර තිබේ.
මෙම ගැටුමට සම්බන්ධ තවත් 19 දෙනෙකු පේරාදෙණිය පොලීසිය විසින් අද උදෑසන අත්අඩංගුවට ගෙන ඇත.
පොලිස් මාධ්‍ය ප්‍රකාශක සහකාර පොලිස් අධිකාරි රුවන් ගුණසේකර මහතා පැවසුවේ ඊයේ රාත්‍රී මෙය සිදුව ඇති බවයි.
අදාළ ගොඩනැඟිල්ල හිමිකරු ජනතා විමුක්ති පෙරමුණට සහය පළ කරන අයෙකු බව පොලීසිය කියයි.
මේ ගැන පේරාදෙණිය පොලීසිය වැඩිදුරටත් පරීක්ෂණ ආරම්භ කර තිබේ.
Post a Comment