එක්සත් ජාතීන්ගේ සංවිධානයේ ඉහළ පෙළේ නියෝජිතයෙකු මෙරට සංචාරයක නිරතවීමට නියමිතව තිබේ.
ඒ අනූව එක්සත් ජාතීන්ගේ සංවිධානයේ මහ ලේකම්වරයාගේ දේශපාලන කටයුතු පිළිබඳ නියෝජිත ජෙෆ්රි ෆෙල්ට්මන් ශ්‍රී ලංකාවේ සංචාරය කිරීමට නියමිතය.
ඔහු ලබන සෙනසුරාදා දිනයේ දිවයිනට පැමිණීමට නියමිත බව ජගත් මහ ලේකම්වරයාගේ මාධ්‍ය ප්‍රකාශක ස්ටෙෆාන් ඩුජාරික් පවසයි.
එක්සත් ජාතීන්ගේ විශේෂ නියෝජිත ජෙෆ්රි ෆෙල්ට්මන් මෙරට සංචාරයේදී රජයේ ඉහළ පෙළේ නියෝජිතයින් හමුවී සාකච්ඡා පැවැත්වීමට සැලසුම්කර ඇත.
එමෙන්ම මෙරට දේශපාලන පක්ෂ නියෝජිතයින් සහ සිවිල් සංවිධාන නියෝජිතයින්ද හමුවී සාකච්ඡා පැවැත්වීමට ඔහු අපේක්ෂා කරන බව ස්ටෙෆාන් ඩුජාරික් පවසයි.
ජෙෆ්රි හෙල්ප්මන්ගේ පළමු ශ්‍රී ලංකා සංචාරය මෙය වන බව ද සඳහන්ය.
.jpg)
Post a Comment