එළවළු ගිනි ගණන් යන්නේ ඇයි?

දේශීය වෙළඳපොළේ උඩරට සහ පහතරට එළවළු මිල ඉහළයෑම නිසා පාරිභෝගිකයන් දැඩි අසීරුතාවයකට පත්වී තිබේ.

ඉල්ලුමට සරිලන සැපයුමක් නොමැතිකම නිසා එළවළු මිල ඉහළ ගොස් ඇති බව ව්‍යාපාරික ප‍්‍රජාව පවසයි.

මේ අනුව වෙළඳපොළේ කිලෝ එකක සිල්ලර මිල මාළුමිරිස් රු.300, කැරට් රු.230, ලීක්ස් රු.220, බෝංචි රු. 200, බටු රු.140, තක්කාලි රු.300, වට්ටක්කා රු.120, වැටකොළු රු.120, රාබු රු.140, ගෝවා රු.120, පතෝල රු.100, අමුමිරිස් රු.300, බීට්රූට් රු.200, කරවිල රු.200, පිපිඤ්ඤා රු.80, කොහිල රු.100, දේශීය අර්තාපල් රු.150 යන මිල ගණන් යටතේ අලෙවි කෙරෙන බව අප වාර්තාකරු කියයි.

එළවළු මිල මෙතරම් ඉහළ යෑමට හේතුව වශයෙන් ගොවීන් පවසන්නේ පැවති අධික වර්ෂාව හේතුවෙන් තම එළවළු වගාවන්ට හානි සිදුවූ නිසා ඉල්ලුමට සරිලන සැපයුමක් ලබාදීමට නොහැකිවීමයි.