ශ්‍රී ලංකා නිදහස් පක්ෂයේ ගාල්ල දිස්ත්‍රික් සමුළුව සඳහා සහභාගී විමට තමාට අවස්ථාව නොලැබුනු බව දකුණු පලාත් සභා මන්ත්‍රීනී ගීතා කුමාරසිංහ මහත්මිය පවසයි.
ඇය පෙන්වා දෙන්නේ සමුළුව සඳහා යොදවා සිටි ආරක්ෂක අංශ වල ක්‍රියා කලාපය හේතුවෙන් තමාට ඊට සහභාගී විමට අවස්ථාව අහිමි වු බවයි.
ජනාධිපති මෛත්‍රීපල සිරිසේන මහතාගේ ප්‍රධානත්වයෙන් ශ්‍රී ලංකා නිදහස් පක්ෂයේ ගාල්ල දිස්ත්‍රික් සමුළුව ඊයේ(25) පස්වරුවේ ගාල්ලලේදී පැවැත්වුණී.
අදාළ සමුළුව සඳහා සහභාගී විමට පැමිණෙමින් සිටියදී මෝටර් රථය කාර්මික දෝෂයකට ලක්විමෙන් යම් ප්‍රමාදයක් සිදුවු බව ගීතා කුමාරසිංහ මහත්මිය සඳහන් කළේය.
ප්‍රමාදවී පැමිණිම නිසා තමාට සමුළුවට සහභාගීවිමේ අවස්ථාව එම ස්ථානයේ සිටි ආරක්ෂක අංශ නිලධාරින් විසින් වැළැක්වු බව ගීතා කුමාරසිංහ මහත්මිය වැඩිදුරටත් සඳහන් කළේය
Post a Comment