මෙරට බලධාරින් බාරයේ රඳවා තිබි පසුව නිදහස් කළ තමිල්නාඩු ධීවර බෝට්ටු ප්‍රතිසංස්කරණය කර රැගෙනයාම සඳහා ධීවරයින් ඇතුළු කණ්ඩායමක් අද මෙරටට පැමිණිමට නියමිතව තිබේ.
විදෙස් වාර්තා සඳහන් කළේ ධීවර බෝට්ටු 18 කින් පුද්ගලයින් 141 දෙනෙකු පමණ මේ සඳහා සහභාගී වන බවයි.
ඔවුන් අතර තාක්ෂණික ශිල්පීන් සහ වඩුකාර්මිකයින්ද සිටින අතර දින දෙකක් තුළදී බෝට්ටු 31 ප්‍රතිසංස්කරණය කර රැගෙන යාමට අපේක්ෂිතය.
අදාළ පිරිස තලෙයිමන්නාරම සහ කරෙයි නගර ජැටිය වෙත පැමිණ ප්‍රතිසංස්කරණ කටයුතු සිදුකරනු ඇත.
ඉන්දීය බෝට්ටු 81ක් මුදා හැරිමට ශ්‍රී ලංකා රජය තීරණය කර තිබු අතර ඉන් බෝට්ටු 33ක් මීට පෙර රැගෙන ගොස් තිබුණි.
Post a Comment