වයස අවුරුදු 16 ක පාසල් දැරියක දූෂණය කර ඝාතනය කිරීමේ සිද්ධියක් සම්බන්ධයෙන් වරදකරු වූ පුද්ගලයෙකුට මාතර මහාධිකරණය විසින් මරණ දඬුවම නියම කර තිබේ.
මහාධිකරණ විනිසුරු දමිත් තොටවත්ත මහතා විසින් මෙම නියෝගය ලබා දුන් බව අද දෙරණ අධිකරණ වාර්තාකරු සඳහන් කළේය.
මෙලෙස මරණ දඬුවම් නියම වී ඇත්තේ 34 හැවිරිදි සිවුදරු පියෙකුට බව සඳහන්ය.
2007 වසරේ පෙබරවාරි මස 13 වන දින හෝ ඊට ආසන්න දිනයකදී පාසල නිමවී නිවස බලා යමින් සිටි අදාළ දැරිය පැහැරගෙන ගොස් දූෂණය කර ඝාතනය කිරීම සම්බන්ධයෙන් විත්තිකරුට එරෙහිව චෝදනා එල්ලවී තිබුණි.
අදාළ චෝදනා සාධාරණ සැකයෙන් තොරව සනාථ වී ඇති බවට නිගමනය කළ අධිකරණය විත්තිකරුට මරණ දඬුවම නියම කර තිබේ.
Post a Comment