අද පෙරවරුවේ ඌව පළාත් ආණ්ඩුකාර නීතිඥ එම්. පී. ජයසිංහ මහතා ඉදිරියේ දිවුරුම් දුන් බව අද දෙරණ වාර්තාකරු සඳහන් කළේය.
ඒ අනුව ඌව පළාත් ප්‍රධාන අමාත්‍ය හරීන් ප්‍රනාන්දු මහතා මුදල් හා ක්‍රමසම්පාදන, නීතිය හා සාමය, අධ්‍යාපන, පළාත් පාලන, සමාජ, සුභසාධන, ග්‍රාමීය යටිතල පහසුකම් සංවර්ධන, ප්‍රවාහන හා ඉදිකිරීම් අමාත්‍යවරයා ලෙස දිවුරුම් දී තිබේ.
ආනන්ද කුමාරසිරි මහතා සෞඛ්‍ය හා දේශීය වෛද්‍ය, පරිවාස හා ළමා රක්ෂණ, වනිතා කටයුතු, විදුලිබල අමාත්‍යවරයා ලෙස දිවුරුම් දී ඇති බව සඳහන්ය.
රවී සමරවීර මහතා මාර්ග සංවර්ධන, නිවාස, ජල සම්පාදන, සමූපකාර, සත්ත්ව නිෂ්පාදන හා සංස්කෘතික අමාත්‍යවරයා ලෙසත්, අනුර විදානගමගේ මහතා කෘෂිකර්ම, වාරිමාර්ග, මිරිදිය ධීවර කර්මාන්ත, ඉඩම් හා සංචාරක අමාත්‍යවරයා ලෙසත් දිවුරුම් දී ඇත.
ක්‍රීඩා හා යෞවන කටයුතු, පේෂ කර්මාන්ත හා කුඩා කර්මාන්ත සහ වතු යටිතල පහසුකම් අමාත්‍යවරයා ලෙස දිවුරුම් දී ඇත්තේ වඩිවේල් සුරේෂ් මහතාය.
ඌව පළාත් සභාවේ පසුගියදා සිදුවූ බලපෙරළියත් සමග නව ඇමති මණ්ඩලය මෙලෙස දිවුරුම් දී ඇත.
Post a Comment