ටී.වී දෙරණ ඔස්සේ ඊයේ රාත්‍රී විකාශය වූ 360 වැඩසටහනට සහභාගි වෙමින් ආරක්ෂක ලේකම්වරයා මේ බව පැවසීය.
ත්‍රස්තවාදය අවසන් කිරීමෙන් පසු හමුදාවට බාරවූ එල්.ටී.ටී.ඊ සාමාජිකයින් පුනරුත්ථාපනය කළද ඔවුන් සියයට සියයක්ම මානසික වශයෙන් එම තත්ත්වයට පත්වුයේදැයි කිව නොහැකි බව ඒ මහතා පෙන්වාදුන්නේය.
කෙසේ වුවද බුද්ධි අංශය දියුණු කිරීම නිසා කොතරම් බලපෑමක් පැමිණියත් ඒ ගැන සොයා බලා කටයුතු කිරීමට හැකි වී ඇති බව ඔහු පැවසුවේය.
ත්‍රස්තවාදය පරාජය කිරීමෙන් පසු ජාත්‍යන්තර බලවේග තවමත් රටට එරෙහිව ක්‍රියාත්මක වෙමින් ඇති බවත්, එම බලවේග ක්‍රියාත්මක වන්නේ රාජපක්ෂ බලයෙන් පහකළොත් පමණක් මෙය කළ හැකි යන මතයේ සිටිමින් බව හෙතෙම පෙන්වාදුන්නේය.
එසේම මැතිවරණයක් අවස්ථාවේ රණවිරුවන් ආරක්ෂා කරනවා යැයි විපක්ෂය නිකම් නිකම් කිවුවාට ප්‍රමාණවත් නොවන බවද ඒ මහතා පැවසීය.
මන්ද යත් මෙම රජය පමණක් නොව වෙනත් ඕනෑම රජයක් ආවත් ජාත්‍යන්තර බලපෑම දිගින් දිගටම දැනට පවත්නා වාතාවරණය යටතේ ඇති බව පැහැදිළි වන නිසා යැයි ආරක්ෂක ලේකම්වරයා පෙන්වාදුන්නේය.
විශේෂයෙන් එල්.ටී.ටී.ඊ හිතවාදී සංවිධානවලින්, ජිනීවා මානව හිමිකම් කවුන්සිලයෙන්, ටී.එන්.ඒ සංවිධානයේ අභ්‍යන්තරයෙන් එන තර්ජන තවම ඇති බවද, එම මතවලින් පැහැදිලි වන්නේ යුද අධිකරණයකට අදාළ පාර්ශව ගෙනයාමේ අවශ්‍යතාවය තවමත් පවතින බව යැයිද, ඒ මහතා වැඩිදුරටත් අවධාරණය කළේය.
.jpg)
Post a Comment