ශ්‍රී ලංකාවට ජය හිමිවෙයි

සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර පැවති හය වන එක්දින ක්‍රිකට් තරඟයේ ජය හිමිකර ගැනීමට ශ්‍රී ලංකා ක්‍රිකට් කණ්ඩායම සමත් විය.

ඒ අනුව හතරට දෙකක් ලෙස ශ්‍රී ලංකා කණ්ඩායම මේ වන විට ඉදිරියෙන් සිටියි.

කාසියේ වාසිය දිනාගෙන පළමුවෙන් පන්දුවට පහරදුන් ශ්‍රී ලංකා කණ්ඩායම පන්දුවාර සියල්ල අවසාන වී කඩුළු 7ක් දැවී ලක්ණු 293ක් රැස් කර ගන්නා ලදී.

එහිදී විශිෂ්ට ඉනිමක් ක්‍රීඩා කළ කුමාර සංගක්කාර සිය එක්දින ක්‍රිකට් දිවියේ 20 වන ශතකය ලබා ගනිමින් ලකුණු 112ක් ලබාගත් අතර තිලකරතන දිල්ෂාන් ලකුණු 68ක් ලබා ගත්තේය.

පිළිතුරු ඉනිම ක්‍රීඩා කළ එංගලන්ත කණ්ඩායමට රැස්කර ගැනීමට හැකිවුයේ ලකුණු 202ක් පමණි.

එංගලන්ත කණ්ඩායමේ පන්දුවාර 41.3 අවසානයේ සියලුම කඩුළු දවා ගැනීමට ශ්‍රී ලංකා පන්දු යවන්නන් සමත් වී තිබේ.

සුරංග ලක්මාල් ලකුණු 30ට කඩුළු 4ක් දවා ගනිමින් ශ්‍රී ලංකා කණ්ඩායම ජයග්‍රහණය කරා රැගෙන යන ලදී.