මුස්ලිම් කොංග්‍රසයේ මහලේකම් පාර්ලිමේන්තු මන්ත්‍රී හසන් අලී මහතා සඳහන් කළේ පක්ෂයේ නායක රවුෆ් හකීම් මහතාගේ ප්‍රධානත්වයෙන් අද දහවල් මහනුවර දී මෙම සාකච්ඡාව පැවැත්වෙන බවයි.
මෙම සාකච්ඡාව සඳහා ශ්‍රී ලංකා මුස්ලිම් කොංග්‍රසය නියෝජනය කරන සියලු පාර්ලිමේන්තු මන්ත්‍රීවරුන්, පළාත් සභා මන්ත්‍රීවරුන් සහ පළාත් පාලන ආයතන නියෝජිතයින් සහභාගී වීමට නියමිතය.
ඉදිරි ජනාධිපතිවරණයේ දී කුමන අපේක්ෂකයාට සහය පල කරන්නේ ද යන්න පිළිබඳව ශ්‍රී ලංකා මුස්ලිම් කොංග්‍රසය මෙතෙක් අවසන් එකඟතාවකට පැමිණ නොමැත.
ශ්‍රී ලංකා මුස්ලිම් කොංග්‍රසයේ නියෝජිතයින් අවස්ථා කිහිපයකදීම ඒ සම්බන්ධයෙන් සාකච්ඡා කළ ද අවසන් එකඟතාවකට පැමිණීමට නොහැකිවීම හේතුවෙන් අද දිනයේ යළි රැස්වීමට තීරණය කර තිබේ.
කෙසේ වෙතත් අද දිනයේ ඒ සම්බන්ධයෙන් අවසන් එකඟතාවකට පැමිණීමට බලාපොරොත්තු වන බව ශ්‍රී ලංකා මුස්ලිම් කොංග්‍රසයේ ප්‍රකාශකයෙකු සඳහන් කළේය.
Post a Comment