කටුනායක - කොළඹ සුඛෝපභෝගි බස් රථ ෙස්වකයින් ධාවනයෙන් ඉවත්ව වැඩ වර්ජනයක් ආරම්භ කර තිබේ. එම වර්ජනය අද පෙරවරුවේ සිට ක්‍රියාත්මක වන බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා සඳහන් කළේය.
ගුවන් තොටුපළ පර්යන්තයේ සිට ගමන් ආරම්භ කිරීමට සහ ගමනාන්තය ක්‍රියාත්මක කිරීමට ලංගම බස් රථ සඳහා පමණක් අවස්ථාව ලබාදීම මීට හේතුව බව ඔහු කීවේය.
පෞද්ගලික බස් රථ ගමනාරම්භය සිදුකරන්නේ ඇවරියවත්ත බස් රථ නැවතුම්පළේ සිටයි.
එබැවින් පෞද්ගලික සුඛෝපභෝගි බස් රථ සඳහා ද ගුවන් තොටුපළ පර්යන්තයට පිවිසිම සඳහා අවස්ථාව සලසා දෙන ලෙස එම බස් රථ හිමියන් බලධාරින්ගේ ඉල්ලා සිටියි.
ලංකා ගමනාගමන මණ්ඩලයේ බස් රථ සඳහා පමණක් ඊට අවස්ථාව සලසා දී ඇති බව ගැමුණු විජේරත්න මහතා පැවසුවේය.
Post a Comment