අද පෙරවරුවේ මහනුවර ජනාධිපති මන්දිරයේ දී ජනාධිපති මහින්ද රාජපක්ෂ මහතා හමුවී මෙම පිරිස ඉදිරි ජනාධිපතිවරණයේ දී ජනාධිපතිවරයාට සහය පළ කිරීමට එක්වු බව ජනාධිපතිවරණ ප්‍රචාරක මෙහෙයුම් කාර්යාලය සඳහන් කළේය.
වසර 25කට ආසන්න කාලයක් එක්සත් ජාතික පක්ෂයේ ප්‍රබල ක්‍රියාකාරිකයෙකු ලෙස කටයුතු කළ ජයවීර මාතරආරච්චි මහතා ඇතුළු එක්සත් ජාතික පක්ෂයේ ශාඛා සමිති ලේකම්වරුන් 25 දෙනෙකු පමණ ජනාධිපතිවරයා හමුවී තිබේ
මේ අතර ජනාධිපති මහින්ද රාජපක්ෂ මහතාගේ ජය තහවුරු කෙරෙන විජයග්‍රාහී දෙවන ජන රැළිය මේ වන විට නාවලපිටියේදී පැවැත්වෙන බව වාර්තා වෙයි.
ජනාධිපති මහින්ද රාජපක්ෂ මහතාගේ ප්‍රධානත්වයෙන් දිවයින පුරා ජන රැළි 27ක් පැවැත්වීමට නියමිත අතර එහි පළමු වැන්න පසුගියදා අනුරාධපුරයේ දී පැවැත්වුණි.
මේ අතර ජනාධිපතිවරණයට සමගාමීව සියලු දිස්ත්‍රික්කවල ජනතාව මුණගැසීමේ ජනහමු ද සංවිධානය කර තිබේ.
අද දිනයේ ජනාධිපති මහින්ද රාජපක්ෂ මහතා මහනුවර දිස්ත්‍රික්කයේ ස්ථාන කිහිපයකදී ජනතාව හමුවීමට නියමිතය.
Post a Comment