කොළඹ ජාතික රෝහලේ ප්‍රතිකාර ලබමින් සිටි රැඳවියෙකු පළාගොස් තිබේ.
කළුතර බන්ධනාගාරයේ අවුරුදු හතරයි මාස නවයක සිරදඬුවමක් හිමිව සිටි රැඳවියෙකු මෙලෙස පළාගොස් ඇති බව බන්ධනාගාර කොමසාරිස් ජනරාල් චන්ද්‍රරත්න පල්ලේගම මහතා සඳහන් කළේය.
අසනීප තත්ත්වයක් හේතුවෙන් කොළඹ ජාතික රෝහලේ 17 වන වාට්ටුවේ ප්‍රතිකාර ලබමින් සිටියදී ඊයේ අලුයම මෙම රැඳවියා පළාගොස් ඇති බව සඳහන්ය.
මෙම රැඳවියාට එරෙහිව මූල්‍ය වංචා සම්බන්ධයෙන් තවත් නඩු 39ක් ඇති බව බන්ධනාගාර දෙපාර්තමේන්තුව සඳහන් කළේය.
ආරක්ෂාවට යොදා සිටි බන්ධනාගාර නිලධාරීන්ගෙන් මිදී රැඳවියා මෙසේ පළායාම සම්බන්ධයෙන් විශේෂ පරීක්ෂණයක් ආරම්භ කර ඇති බව බන්ධනාගාර කොමසාරිස්වරයා වැඩිදුරටත් සඳහන් කර සිටියේය.
.jpg)
Post a Comment