මෙවර විශ්වවිද්‍යාලවලට සුදුසුකම් ලැබු සිසුන්ගේ අභියාචනා සලකාබැලීමේ කටයුතු මේ දිනවල සිදුවන බව විශ්වවිද්‍යාල ප්‍රතිපාදන කොමිෂන් සභාව පවසයි.
මේ මස අවසානය වන විට අදාළ කටයුතු නිමකිරීමට බලාපොරොත්තු වන බව එහි සභාපති මහාචාර්ය ක්ෂණික හිරිඹුරේගම මහත්මිය සඳහන් කළාය .
2013 වර්ෂයේ අධ්‍යයන පොදු සහතික පත්‍ර උසස් පෙළ විභාගය සමත්ව විශ්වවිද්‍යාලයට සුදුසුකම් ලැබු සිසුන් බඳවා ගැනීමේ කටයුතු මේ වන විට ආරම්භ කර තිබේ.
ඒ අනුව ඉංජිනේරු පීඨවල සහ වෛද්‍ය පීඨවල සිසුන් බඳවා ගැනීමේ කටයුතු සිදුකර ඇති බව ක්ෂණික හිරිඹුරේගම මහත්මිය සඳහන් කළාය.
අනෙක් පීඨවල අධ්‍යයන කටයුතු ද කඩිනමින් ආරම්භ කිරීමට උපදෙස් ලබා දී ඇති බව විශ්වවිද්‍යාල ප්‍රතිපාදන කොමිෂන් සභාව පවසයි.
Post a Comment