ජනාධිපතිවරණ ප්‍රචාරක කටයුතු සඳහා බන්ධනාගාරවල සිරකරුවන් යොදවා ගැනීම කැෆේ සංවිධානය දැඩි ලෙස හෙළා දැක තිබේ.
පසුගිය දින එක්සත් ජනතා නිදහස් සන්ධාන රැළියේ වේදිකාව ඉදි කිරීම සැරසිලි සිදු කිරීම සහ ප්‍රචාරක කටයුතු සදහා සිරකරුවන් යොදා ගෙන ඇති බවට මැතිවරණ නිරීක්ෂණ සංවිධානයක් වන කැෆේ සංවිධාන පවසයි.
ගාල්ල බන්ධනාගාරයට අයත් රැඳවියන් 44 දෙනෙකු දෙසැම්බර් 14 වන දින මාතර කඹුරුපිටිය ප්‍ර දේශයේදී මෙලෙස ප්‍රචාරක කටයුතු වලට යොදවාගෙන ඇති බව එම සංවිධානය සඳහන් කරයි.
එම අවස්ථාවේදී අදාළ සිරකරුවන් පිරිසට නිල් පැහැති ජම්පර් මසා අන්දවා තිබු බව සඳහන්ය.
බන්ධනාගාර දෙපාර්තමේන්තුවේ සම්පත් විශාල වශයෙන් මෙවර මැතිවරණයට යොදා ගෙන ඇති බවත්, ඒ අතර වේදිකා ඉදි කිරීම, සැරසිලි හා වෙනත් කටයුතු සඳහා මානව සම්පත් ලෙස රැඳවියන් යොදා ගැනීම මුලික වී ඇති බවත් කැෆේ සංවිධානය පවසයි.
වත්මන් බන්ධනාගාර පුනරුත්ථාපන අමාත්‍යවරයා වන්නේ මාතර දිස්ත්‍රික් පාර්ලිමේන්තු මන්ත්‍රී චන්ද්‍රසිරි ගජධීර මහතාය.
.jpg)
Post a Comment