ගුවන් හමුදා ප්‍රකාශක වින් කමාන්ඩර් ගිහාන් සෙනවිරත්න මහතා සඳහන් කළේ එම පිරිස අද දිනයේ දිවයිනට පැමිණීමට නියමිත බවයි.
කටුනායක ගුවන්තොටුපලේ සිට රත්මලාන ගුවන්තොටුපල දක්වා පියාසර කරමින් තිබු ඇන්ටනෝ වර්ගයේ ගුවන් යානයක් පසුගිය සිකුරාදා පෙරවරුවේ අනතුරට පත් වුණි.
අනතුරෙන් එහි ගමන්ගත් ගුවන් හමුදා නිලධාරීන් සිව් දෙනෙකු ජීවිතක්ෂයට පත් වු අතර තවත් එක් පුද්ගලයෙකු පිළිස්සුම් තුවාල ලබා කොළඹ ජාතික රෝහලට ඇතුළත් කරනු ලැබුණි.
ඔහු මේ වන විට ජාතික රෝහලේ දැඩි සත්කාර ඒකකයේ ප්‍රතිකාර ලබන බව රෝහල් ප්‍රකාශකයෙකු සඳහන් කළේය.
අදාළ අනතුර සම්බන්ධයෙන් පරීක්ෂණ පැවැත්වීමට ශ්‍රී ලංකා ගුවන් හමුදාව විසින් විශේෂ කමිටුවක් පත් කළ අතර එම කමිටුවේ පරීක්ෂණ වලට සහය දැක්වීම සඳහා රුසියානු විශේෂඥයින් කණ්ඩායමක් කැඳවීමට තීරණය කර තිබේ.
එම ගුවන් යානය අවසන්වරට අලුත්වැඩියා කළ සමාගමේ විශේෂඥයින් පිරිසක් මෙලෙස පැමිණීමට නියමිත බව වින් කමාන්ඩර් ගිහාන් සෙනවිරත්න මහතා සඳහන් කළේය.
Post a Comment