විවිධ ආබාධිත තත්ත්වයන් හේතුවෙන් ඡන්දය ප්‍රකාශ කිරීමට නොහැකි පුද්ගලයින් සඳහා මෙම අවස්ථාව ලබාදීමට නියමිතය.
ඒ සඳහා මැතිවරණ මහලේකම් කාර්යාලය විසින් නිකුත් කර ඇති අයඳුම් පත්‍රය පුරවා ග්‍රාම නිලධාරීවරයාගේ නිර්දේශ ලබාගත යුතු බව මැතිවරණ මහලේකම් කාර්යාලය සඳහන් කළේය.
ඊට අමතරව ඡන්දය ප්‍රකාශ කිරීමට යාමේ දී වෛද්‍ය වාර්තාවක් ද ඉදිරිපත් කළ යුතු වෙයි.
මේ අතර ගැබිණි මව්වරුන්, වයස්ගත පුද්ගලයින් සහ විශේෂ අවශ්‍යතා සහිත පුද්ගලයින් ඡන්දය ප්‍රකාශ කිරීමේ දී පොලීමේ රැඳි සිටීමට අවශ්‍ය නොවන බව මැතිවරණ කොමසාරිස් මහින්ද දේශප්‍රිය මහතා පවසයි.
කායික දුබලතා සහිත පුද්ගලයින්ට මෙවර ජනාධිපතිවරණයේ දී ප්‍රවාහන පහසුකම් සැපයීමට ද පියවර ගන්නා බවයි මැතිවරණ මහලේකම් කාර්යාලය සඳහන් කළේය.
මේ අතර දිස්ත්‍රික් මට්ටමින් ඉදිරි ජනාධිපතිවරණය සම්බන්ධයෙන් රාජ්‍ය නිලධාරීන් දැනුවත් කිරීමේ වැඩපිළිවෙළක් ආරම්භ කර තිබේ.
මැතිවරණ දෙපාර්තමේන්තුව සහ ශ්‍රී ලංකා මානව හිමිකම් කොමිෂන් සභාව ඒකාබද්ධව මෙම වැඩපිළිවෙළ ක්‍රියාත්මකයි.
එහි පළමු අදියර ඊයේ(15) දිනයේ පොළොන්නරු දිස්ත්‍රික් ලේකම් කාර්යාලයේ දී මැතිවරණ කොමසාරිස් මහින්ද දේශප්‍රිය මහතාගේ ප්‍රධානත්වයෙන් පැවැත්වුණි.
Post a Comment