එම වාර්තා පවසන ආකාරයට සැකකරු විසින් අඩු තරමේ පුද්ගලයින් 20 දෙනෙකුවත් ප්‍රාණ ඇපයට ගෙන ඇති බව සඳහන් වේ.
කෙසේ වුවද ඒ සම්බන්ධයෙන් නිශ්චිත ගණනක් හෙළිදරව් වී නැතත් සැකකරුගේ ප්‍රාණයට ඇපයට පත්ව ඇති පිරිස එරට රූපවාහිනි නාලිකා මගින් විකාශය කර තිබේ.
එසේ වුවද එම දර්ශන ලබාගෙන ඇත්තේ දුර සිට බැවින් එකී සිද්ධිය පැහැදිලිව අවබෝධ කර ගැනීමට නොහැකි බව ද ඔස්ට්‍රේලියානු මාධ්‍ය වාර්තා කරයි.
ඔස්ට්‍රේලියාවේ හිටපු අග්‍රාමාත්‍යවරයෙකු වූ ජෝන් හොවාඩ් විසින් භාවිතා කළ කාර්යාලයක් පිහිටි එම ගොඩනැඟිල්ල අමෙරිකානු එක්සත් ජනපද කොන්සල් කාර්යාලයක් පවත්වාගෙන යන බවද එම වාර්තාවල දැක්වෙයි.
අයි.එස් සටන්කාමීන්ට එරෙහිව අමෙරිකාව ප්‍රමුඛ බටහිර රටවල් කිහිපයක් ගෙන යන ප්‍රහාර ඔස්ට්‍රේලියානු රජය විසින් ද අනුමත කර ඇත.
මෙම තත්ත්වය යටතේ අයි.එස් සටන්කාමියෙකු මෙලෙස පිරිසක් ප්‍රාණ ඇපයට ගෙන ඇති බවත්, එම ගොඩනැගිල්ල තුළ කළු පැහැති පෝස්ටර් කිහිපයක් අලවා සුදු පාට අකුරින් ලියූ යමක් පෙනෙන්නට ඇති නමුත්, එහි ලියැවී ඇත්තේ කුමක්දැයි නිශ්චිතව හඳුනා ගැනීමට නොහැකි බවත්, විදෙස් මාධ්‍ය වාර්තා කරයි.
කෙසේ වුවද මෙම සිද්ධිය ගැන දැඩි අවධානය යොමුකර ඇති බව නිවේදනයක් නිකුත් කරන ඔස්ට්‍රේලියානු අග්‍රාමාත්‍ය ටෝනි ඇබට් සිය වැසියන්ගේ ආරක්ෂාව තහවුරු කිරීමට පියවර ගෙන ඇති බවද කියා සිටියි.
Post a Comment