තිස්ස අත්තනායක මහතා සෞඛ්‍ය අමාත්‍යවරයා ලෙස දිවයිනේ සියලු රෝහල් වල මෘත ශරීරාගාර පමණක් වැඩිදියුණු කරනු ඇති බව එක්සත් ජාතික පක්‍ෂ පාර්ලිමේන්තු මන්ත‍්‍රී පාලිත රංගේ බණ්ඩාර මහතා පවසයි.
නාත්තන්ඩියේ අද (14) පැවති ජනහමුවකට සහභාගි වෙමින් පාලිත රංගේ බණ්ඩාර මහතා කියා සිටියේ තිස්ස අත්තනායක මහතාට ගැලපෙන ඇමතිධූරය හිමිව ඇති බවයි.
අත්තනායක මහතා සල්ලි කන යකෙක් බවත්, එක්සත් ජාතික පක්ෂයේ සිටියදී විපක්ෂනායකවරයාට ඔහුට බාරදෙන්න තිබුණේ මහලේකම් තනතුර නොව භාණ්ඩාගාරික තනතුර යැයිද රංගේ බණ්ඩාර මහතා එහිදී පැවසීය.
කෙසේ වුවද දැන් සෞඛ්‍ය ඇමතිවරයා ලෙස ඔහුට මෙරටට බෙහෙත් ගෙනෙන කොම්පැණි ටික අල්ලාගත හැකි බවත්, එමගින් මුදල් සෙවිය හැකි බවත්, මන්ත්‍රීවරයා පෙන්වාදුන්නේය.
මේ නිසා දොස්තරටත්, ලෙඩාටත්, රෝහලටත් යහපතක් සිදුනොවන බවද හැම රෝහලකම මෝචරි ටික පමණක් අත්තනායක මහතා විසින් වැඩිදියුණු කරනු ඇතැයිද හෙතෙම කියා සිටියේය.
Post a Comment