ගල්කිස්ස මුහුදේ දියනෑමට ගිය තරුණයින් දෙදෙනාගේ මළ සිරුරු සොයාගෙන තිබේ.
ඊයේ පස්වරු 05.30ට පමණ තවත් පුද්ගලයින් 08 දෙනෙකු සමග මුහුදේ දියනෑමට ගිය අවස්ථාවේ දි ඔවුන් දෙදෙනා දියේ ගිළී තිබිණ.
පොලිසිය සහ නාවික හමුදාව සිදුකළ මෙහෙයුම් වලදි මළ සිරුරු සොයාගෙන ඇත.
එම මළ සිරුරු පශ්චාත් මරණ පරික්ෂණ සඳහා කළුබෝවිල රෝහලට රැගෙන ගොස් ඇති බව පොලිසිය පැවසුවේය.
මියගොස් ඇත්තේ 28 හැවිරිදි ගම්පොළ ප්‍රදේශයේ පදිංචිව සිටි අයෙකු සහ කුරුදුවත්ත, රකාවල ප්‍රදේශයේ පදිංචිව සිටි 19 හැවිරිදි අයෙකි.
මේ අතර කාත්තන්කුඩි ධර්මපුරම් ප්‍රදේශයේ මුහුදේ දියනෑමට ගිය 17 හැවිරිදි තරුණයෙකු දියේ ගිළී මියගොස් ඇත.
තවත් පිරිසක් සමග ඊයේ පස්වරුවේ දියනෑමට ගිය අවස්ථාවේ දී අනතුර සිදුව ඇති බව පොලිසිය පැවසුවේය.
.jpg)
Post a Comment