සිද්ධියට අදාළ කාන්තාව සහ ආගමන විගමන දෙපාර්තමේන්තු නිලධාරීන් දෙදෙනා මීගමුව මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන 24 වන දින දක්වා රක්ෂිත බන්ධනාගාර ගත කර ඇති බව පොලීසිය පැවසුවේය.
මෙලෙස රක්ෂිත බන්ධනාගාර ගත කර ඇත්තේ ජ්‍යෙෂ්ඨ ආගමන විගමන බලලත් නිලධාරීවරයෙකු සහ විගමන බලලත් නිලධාරීවරයෙකි.
සොරකමකට අදාළ නඩුවක් සම්බන්ධයෙන් අධිකරණයේ පෙනී නොසිටීම හේතුවෙන් අලුත්ගම ප්‍රදේශයේ පදිංචි කාන්තාවකට අධිකරණයෙන් වරෙන්තු නිකුත් කර තිබුණි.
අදාළ කාන්තාව පසුගිය 11 වැනිදා සෞදි අරාබිය බලා පිටත්ව යාමට ගුවන්තොටුපලට පැමිණ ඇති අතර එහිදි අපරාධ පරීක්ෂණ දෙපාර්තමේන්තු නිලධාරීන් විසින් සැකකාරිය අත්අඩංගුවට ගෙන ඇති බව සඳහන්ය.
ඇයට විදෙස් ගත වීම සඳහා ආධාර අනුබල ලබාදුන් ආගමන විගමන නිලධාරීන් දෙදෙනා ද ගුවන්තොටුපලේ දී අත්අඩංගුවට ගැනීමට අපරාධ පරීක්ෂණ දෙපාර්තමේන්තු නිලධාරීන් පියවර ගෙන තිබුණි.
Post a Comment